> جميع ما قاله محمد باش في الشات, مع شرح ما حصل بالشات من مشاكل

مرحبا بكمـ جميعااا
يا الغاليين اول الشي حابب مسيكم بالخير

تاني شي حابب اشرح بعض الأمور يلي حصلت قبل ما اكتبلكمـ النجم محمد شو حكى بالشات
اول الشي الشات كان مأحلاة وما شاء الله اعداد لا تحصى من الفانز الموجودين هاد الشي كان كتير حلو واكيد محمد انبسطت كتير بهل الشي
ومحمد لما دخل على الشات دخل بأسم M.bash
وتكلم مع الكل عادي لكن بعد تقريبا نصف ساعه تم تهكير الشات وما عد علينا
سيطره عليه ويلي هكر الشـات قام بالتحدث بأسم محمد شخصياا وانا عملت هل
الموضوع لأوضح انو الشات ما عد رسمي وألتغى مبدأياا
لحتى نعمل شات جديد ومحمي اكتر
وكمان وضح الكلام يلي بالفعل نقال بلسان نجمنا الغالي محمد

بالنسبة للكلام بلسان النجم محمد :
أنا كتير مبسوط إني موجود معكم و عم شارك معكن بأحلى سهره و مع أحلى عالم.... بمسيكن بالخير
بدي قول بالتوفيق لكل الشباب و الصبايا يلي نازلين بكرا على الكاستينغ تبع سوريا ....
عن جد كنت كتير حابب كون موجود معهم كرمال إدعمهم و شجعهم ... بس أنا بعدني بحلب و ما رح إقدر إرجع على الشام بكرا.....
بس على كل حال بتمنى التوفيق للكل و ما حدا يخاف و الكل يفوت و راسو مرفوع..

هون الفانز سألوه عن الحفلة فأجاب محمد:
فيكن تسألو يلي بدكن ياه و أنا رح جرب جاوب على كل أسئلتكن و ما حدى يزعل إزا ما لحقت جاوب على الكل ...
من
شان الحفلة .... أنا كتير متحمس و عم بشتغل كل يوم كرمال تكون الحفلة من
أحلى الحفلات , الإعلانات عن الحفلة رح تنزل عن قريب كتير ووقتها بتعرفو
أيمت و وين رح بتكون ...
جربت إني لاقي مكان للحفلة يوسع أكبر عدد ممكن و يسمح للكل إنو يشوف المسرح بكل وضوح و من أي مكان
تفاصيل كتيره بخبركن عنها قريبا جدا...
والشي
يلي أنا كتير مبسوط منو إنو الحفلة ما رح تكون بس بالشام رح بيكون في حفلة
تانية و بتاريخ كتير قريب لحفلة الشام بس بحلب و هاد هوي سبب وجودي بحلب
كرمال شوف بعيني كل التحضيرات يلي عم بتم و طمن بالي إنو كلشي عم بيكون
تمام

وهون الفانز سألوه عن غنيتوا وعن إذا كان بالبنان لما لأ فأجاب محمد:
قضيت فترة العيد بلبنان و أكيد ما كانت فترة إجازة لأكنت عم بختار فكرة الفيديو كليب للسنغل الجديد ...
السنغل و الكليب رح ينزل بوقت كتير مناسب .

وهون محمد حب يحكي شوي عن السايت:
بما إنو السايت بعدو جديد في كتير شغلات بدها تعديل و في كتير فيديوهات بدها تنزيل و صور جديدة رح بتشوفوها على السايت عن قريب...
و رح نحاول نضيف قسم جديد بالمنتدى لأسئلتكن و انا بوعدكن إني جاوب على كل أسئلتكن ...


وآآآآخر الشي محمد سلم على الكل وودعهم على أمل اللقاء القريب

بالنهاية ما فينا نقول غير منتشكركـ يا الغالي على انكـ عطيت من وقتكـ للفانز يلي بالفعل بحبوكـ من قلبهم
وكمان بدنا نقول الله يسامح يلي كان السبب بتهكير الشات ونزع فرحت بعض الناس


على العموم إن شاء الله اني كون وفيت كل شي بهل الموضوع

وانشاء الله قريبا حنعمل شات جديد

تحياتي لكمـ