من الاخر يا جماعة دى احسن خلطة استعملتها لشعرى بجد شعرى باه خطير

بسم الله الرحمن الرحيم
ازيكم يا بنات يارب تكونوا بخير
انا امبارح عملت ماسك لشعرى بدل شعرى من حال الى حال والله ومن اول مرة يا بنات فقلت لازم اقولكم عليه
والماسك ده حتستغنى بيه عن حمامات الكريم اللى كلها كيماويات
وعلى فكرة انا جربت حاجا لا تتخيلوها على شعرى يعنى كل حاجة جربتها يعنى خبرة فى الخلطات
مكونات الماسك
حبة افوكادو تكون مستوية اوى وطرية
حبتين موز مستويين برده
عسل ابيض
شوية لبن صغيرين علشان نعرف نضربهم فى خلاط العصير
4 معالق زيت زيتون
صفار بيضة

حنضرب كل ده فى خلاط العصير لغاية لما يبقى قوامه زى حمام الكريم
ونغسل شعرنا كويس اوى وبعد كده نوزعه على الشعر زى حمام الكريم بالضبط وندلك الفروة كويس ونسيبه ساعتين على شعرنا وبعدين نشطفه كويس
وندهنه اى نوع كريم اللى بتستعمليه ونلفه لادام ولما تفكيه لازم تدعيلى لانك حتحسى بفرق كبييييييييييير من اول مرة والله يا جماعة بدون مبالغة خطيييييييييييير