كيف بدي إبدا عن جد ما بعرف ...
مبسوط كتير إني عن جديد عم كون معكون ... و متل ما وعدتكن رح كون دايما معكم عم خبركن عن كل أخباري و كل شي عم بصير معي..
انشاله تكونوا قضيتو عيد حلو مع حبايبكن ينعاد على الكل ...
و لكل يلي عم يدرسو بالتوفيق بدراستن و الله يوفقن ..
و لكل مين عندو حلم و حتى لو كان حلم صغير يضل عم يشتغل عليه و أكيد بيتحقق..
انشاله تكونو مبسوطين بالسايت الجديد و منو لأحسن انشاله
ما بتتخيلو قديش أنا كنت ناطر و متل ما إنتو كنتو ناطرين انو يصير في fan club يحمل اسمكن و اسمي
فأنا بدي إطلب منكم إنو بما إنو هاد ال fan club لإلكم و بيعكس صورة أحلى ناس بالعالم فأنا أكيد إنو نحنا هون لازم نحترم الكل و نحترم آراء الكل و مقترحات الكل أنا من هلأ بقول بإسمي و بإسمكم إنو نحنا منرحب بكل مين بحب محمد باش و بكل مين ما بحب محمد باش و منرحب بكل مين بحب أي طالب من طلاب star academy أو أي فنان من الفنانين ....
بدنا الكل يحكي و الكل يعبر عن رأيو ... أنا متأكد إنو رح نعمل هاد المنتدى أحلى شي بالعالم ...
و هاد الشي إنتو رح تعملو مو أنا ....
و في شي كتير مهم ... لكل مين حاسس حالو إنو بيقدر يشارك معنا بإدارة المنتدى ف بليز ما حدى يتردد بالتواصل معنا ... و عن جد أي حدا عندو رأي أو ملاحظة كمان ما يتردد إنو يبعتلنا ياها ...
و متل ما وعدتكم إني خبركم أخباري كلها و بأدق تفاصيلها
أنا هلأ بحلب بعدني واصل مبارح و هاد الشي من ضمن تحضيري للحفلة يلي رح خبركن عن وقتها عن قريب كتير ...
كتير متحمس إني رح إرجع شوفكن و وعد مني إنو رح نكسر الدني
و لكل مين عايدني على العيد ينعاد على الكل و أنا عن جد إني حابب رد على الكل و إبعت معايده للكل بس ما بتتخيلو قديش بدي وقت لرد على الكل فكرمال هيك أنا أقل شي فيني أعملو إني رح كون موجود معكم هون بشات المنتدى بتاريخ 3-12-2009 يعني بكرا الخميس الساعة 12 ليلاً و و عد مني إني ما رح تكون آخر مره ....
ر ح نحكي عن كل شي و رح خبركم عن كلشي ... أنا هل المره ناطركن
حضروا كلشي أسئلة عندكم و أنا جاهز ..
على الموعد بكرا انشاله
محمد باش
man2ool:
[ندعوك للتسجيل في المنتدى أو التعريف بنفسك لمعاينة هذا الرابط]
![Laughing](https://2img.net/i/fa/i/smiles/icon_lol.gif)