مرحبا اخواتي هايدي طريقة عمل الشاكرية مع المقادير:::
**المقادير
1- لبن بقر اوغنم ويفضل لبن غنم مو الحليب اللبن متل الزبادي مقدار كيلو
2-لحمه غنم قطع خشنه بحجم الجوزه او اكبر مسلوقه
3-شوية نعنع يابس 00رشه
**طريقة التحضير
اول شي اسلقي اللحمه وبعدين حطي اللبن على نار هادئه وخليكي عمبتحركي بخفاقة البيض لحتى يطير متل الكريمه بدون قطع صغيره وبعدين ضيفي شوية ملح وشوية مرقة اللحمه واضيفي بيضة او ملعقه نشاء مخلوطه بشوية مي باردة
ولاتنسي لازم التحريك يكون مستمر
وبعد ماتشوفي ان البن متجانس صفي اللحمة وحطيها عالبن واتركيه على النار لحتى يغلي غلوه بسيطه ورشي النعنع واطفي النار
ملاحظة اذا كان اللبن غنم لاداعي للبيض او النشاء